Back لويس سبور Arabic لويس سبور ARZ Луи Шпор Bulgarian Ludwig Spohr Catalan Louis Spohr Czech Louis Spohr Danish Louis Spohr German Λούντβιχ Σπορ Greek Louis Spohr English Louis Spohr Esperanto
Dr Louis Spohr (* 5. April 1784 z Braunschweig; † 22. Oktober 1859 z Cassel), au Ludwig Spohr (Daufnaame Ludewig), isch e dütsche Komponist, Dirigänt, Pedagoog, Organisator vo Muusigfest und e Giiger vo internationalem Ruef gsi. Näben em Italiäner Niccolò Paganini zelt er zu de grösste Giiger zu sinere Zit. Dr Spohr isch scho zu Läbzite berüemt worde. Noch em Dood vom Carl Maria von Weber (1826) und vom Ludwig van Beethoven (1827) het er bis zum Durchbruch vo de Wärk vom Franz Schubert, Felix Mendelssohn Bartholdy und Robert Schumann vo dr Middi vo de 1840er Joor aa as dr bedütendsti lääbgi dütschi Komponist gulte. Er het öbbe 280 Wärk hinderloo drunder Opere, Oratorie, Sümfonie, Konzärt und Kammermuusig.